9 Guggudýrið <$BlogRSDUrl$>

föstudagur, október 31, 2003

Ó mín flaskan fríða....

....helst ég vildi líða. Frostið fár og kvíða fyrr en þig að missa!!!

Þjóðleg í dag...já já!! Er líka mál að pissa en ég nenni ekki á klóið!!

Er að fara í partý í kvöld...vinnupartý. Frænka ætlar að skulta mér þannig að ég get svamlað í bjór. Talandi um bjór...við erum búnar að fara á kaffihús 5 kvöld í röð að spila og ég er ekki búin að fá mér einn einasta...ætla að bæta úr því á eftir....var nebblilega svo róleg um síðustu helgi...tveir stórir og einn lítill...það er ekki einu sinni upp í görn á ketti....mjáá!!!

Gallup hringdi í mig á mánudagskvöldið klukkan rúmlega átta og vildi leggja fyrir mig nokkrar spurningar. Ég sagði náttúrulega ekkert mál fyrir Jón Pál....eeen...Survivor var að byrja...þannig að hún sagðist hringja seinna. Svo hringir kerlan í gærkveldi. Reyndar klukkan 7 og þá var ég ákkúrat að borða, þannig að ég sagði henni að hringja fyrir klukkan tíu því þá byrjar Bachelor....mætti halda að ég væri sjónvarpssjúk en þetta er bókstaflega einu tveir klukkutímarnir sem ég eyði í sjónvarpsgláp á viku....og geri aðrir betur! Þess má geta að Gallup-dömunni var skemmt.

Annars lítið að frétta. Er að fitna með ógnarhraða enda ekki nema von því ég ét sælgæti og óhollan mat eins og ég sé á leiðinni til Eþíópíu og drekk ógeðslega mikið af kóki....uss suss suss.....slæm Gugga....er að spá í að líma myndir af mér, frá því að ég var í Þýskalandi, upp um alla veggi sem víti til varnaðar.

Skál fyrir helginni

Guggudýrið

p.s. Alla!! Hvenær á leiktækjakvöldið að vera??

þriðjudagur, október 28, 2003

Er í skólanum núna....

...að rembast við að læra á Front Page og það koma bara upp einhverjar helv... villur. Nú erum við bara í pásu meðan einhver tölvugúru svitnar við að reyna að laga þetta. Ég er hundfúl...ekkert nýtt að skoða á netinu og enginn til að kjafta við á MSN. Jæja....kerlan (kennarinn) er þrjósk og ætlar að reyna einu sinni enn....sjáum hvernig gengur.

mánudagur, október 27, 2003

Smá lagfæringar...

...tók út það sem ég og snillinn og setti inn eitthvað einfalt og ljótt....en það virkar allt...meira að segja skjalasafnið.....er að spá í að vera ekkert að fikta mikið meira í þessu.....nema mér leiðist mikið í vinnunni.....þó samt ekki fyrr en ég er búin að setja inn teljara hjá bítlabæjarbeibinu.
Moviestar, moviestar.....

....I think I am a moviestar!!! Já kæru gestir....ég er kvikmyndastjarna.... Loksins eftir áralangt puð við að vera áhorfandi í sjónvarpssal ímissa sjónvarpsþátta kom stóra breikið. Daði hrindi s.s. í mig á föstudaginn og bráðvantaði manneskju sem lítur út eins og viðskiptafræðingur og datt í hug að hringja í mig...hmm....ætli maður sé steríótýpa...aldrei pælt í því!!! Þar sem ég hafði svo sem ekkert að gera á laugardaginn ákvað ég að slá til og leika viðskiptafræðing. Það fór svo allur dagurinn í þetta og það að þurfa að vera í dragt og óþægilegum, háhæluðum skóm í 10 tíma er ekki gaman og hef ég eina blöðru á litlutánni því til sönnunar. En þetta var voða gaman....þrátt fyrir að þurfa að bíða og bíða og bíða þá var maður með skemmtilegu fólki og svo náttla sést maður í bíómyndinni....hef sterkan grun um að ég fái nokkur væn tilboð frá ráðamönnum í Hollywood í kjölfarið....slík var tjáningin (fékk enga línu).

Eftir þetta fór ég svo á Vegamót með Daða og Sillu og við fengum okkur bjór og nachos. Þau skötuhjú héldu síðan heim á leið en ég ákvað að kíkja til Ingu og horfa á þá Idol þætti sem ég er búin að missa af....við s.s. sátum þarna heima hjá henni á laugardagskvöldi að glápa á imbann meðan allt í kringum okkur geisuðu brjáluð partý.....og vá voru mörg partý í gangi þarna.....merkilegt hvað fólk heldur að það geti sungið þegar það er komið í glas (eða flösku).

Annars var helgin bara róleg. Ég þvoði heilar 5 þvottavélar (aðeins búin að vera að safna handklæðum og rúmfötum) og glápti á sjónvarpið. Í gærkveldi fórum við frænkurnar í bíó og sáum mjög mikla stelpumynd sem heitir S.W.A.T.......þegar ég tala um stelpumynd þá á ég við þær myndir sem skarta fallegum karlkyns leikurum og ekki spillir ef þeir eru fáklæddir en ekki vælumyndir!!! Í þessari mynd leikur hinn undurfríði Colin Farrell aðalhlutverkið og er bara dáldið mikið sexímoðerfokker!!! Kíktum svo aðeins á Vegamót þar sem ég rústaði henni í vist og hún rústaði mér í rommý.

Að lokum langar mig að spyrja Jökulnornina hvort komin sé dagsetning á leiktækjakvöldið...?!?!?

....í bili!!

Gugsy Malone (nýja sviðsnafnið mitt :þ)

þriðjudagur, október 21, 2003

Ég veit...ég veit...

...ég er í smá lægð en nú er um að gera að hífa mig upp og drita einhverju hér inn.

Ég átti víst eftir að minnast á sumarbústaðarferðina. Það er nú víst ekki hægt að kalla þetta sumarbústað.....frekar slot ef einhvað. Þetta var s.s. fullkomið húsnæði til að halda svona hitting. Við mættum kátar, skelltum í okkur brauði með ostum og pestó, súkkulaðiköku með rjóma og skoluðum öllu niður með völdum guðaveigum á meðan við kjöftuðum, skoðuðum myndir og horfðum á gamla góða vídeóið síðan í fjölbraut........það var reyndar gert lítið af því að borða á meðan sumarbústaðahlutinn var sýndur.......sérstaklega í atriðinu þegar Svenni og Alla fóru á kostum ;)

Síðasta helgi var svo bara nokk róleg. Kíkti í bæinn á föstudagskvöld....hitti Ingu og Öllu og við þræddum barina í leit að stuði en höfðum lítið upp úr því. Í lokin rákumst við svo á Möggu og Óla en þau skötuhjú voru að bíða eftir að Landsímabúðin opnaði og sátu þar fyrir utan. Svo var náttúrulega ógeðs þægilegt að geta bara hringt á sinn einka leigubílstjóra til að skutla manni heim.......Halla er best....húrra fyrir Höllu...jei..jei!!!

Er búin að ákveða að taka mig á í fjármálageiranum (var að spá í að taka mig á í hreyfingunni en ákvað að gera þetta í staðinn). Ég ætla að hætta að eyða peningunum mínum í eins mikla vitleysu og ég er búin að vera að gera og reyna að eyða þeim í minni vitleysu......sá það út að ef ég ætlaði að eyða peningunum í eitthvað skynsamlegt þá ætti ég ekkert líf. Þannig að ég er s.s. búin að flokka niður vitleysuna og búin að ákveða eftirfarandi:

1. Hætt að skreppa í Kringluna eða Smáralindina til að kaupa e-ð smotterí og koma út með fullt af drasli (föt, snyrtivörur, geisladiskar, DVD o.fl.).
2. Héðan í frá ætla ég að skipuleggja djammdagskránna svo ég endi ekki á að eyða of miklum peningum í skyndidjömm sem skilja ekkert eftir sig nema hausverk.
3. Það er kominn kvóti á það sem ég drekk á óskipulögðum kvöldum, þ.e. 3 stórir bjórar, nema um sé að ræða skemmtun sem ákveðin er með fyrirvara.
4. Skemmtun sem ákveðin er með fyrirvara má ekki eiga sér stað oftar en tvisvar í mánuði. Dæmi: Ef tvær skemmtanir eiga sér stað sömu helgi þá gildir það sem tvö djömm en ekki eitt og þar með er kvóti mánaðarins fylltur. Samanlögð skemmtun fyrir mánuðinn, hvort sem um er að ræða skipulagða eður ei, má ekki fara yfir 10.000 kr.
5. Skyndibiti verður lágmarkaður eins og hægt er og einungis er leyfilegt að snæða þess konar máltíðir í félagsskap annara.

Það er von mín að með þessum aðferðum nái ég að gera þrennt:

1. Borga niður skuldir.
2. Komast til útlanda (óvitlausasta vitleysan sem hægt er að eyða peningum í) í sumar án þess að hreyfa visakortið (mikið!).
3. Vera í ágætis málum þegar ég hætti að vinna næsta sumar og gerist fátækur námsmaður.

Svo er bara að sjá til hvernig þetta gengur því ég á það til að leggja svona yfirlýsingar á hilluna þar sem þær rykfalla :þ

Þá er það komið.

Ég vil svo bara afsaka síðuna mína en ef þið vilið skoða allar færslur þá er nóg að smella á e-n reit í skjalasafninu svo á Back takkann og þá kemur þetta allt. Ég og tölvugúrúinn minn vitum ekki af hverju þetta er svona (ef einhver veit af hverju þetta er svona má sá hinn sami leiðbeina mér í því að leiðrétta það).

mánudagur, október 13, 2003

Svaðalegasti sunnudagur....

.....í manna minnum!!! ó já...og Guggudýrið meira að segja edrú og þæg kvöldið áður!! Lykilorð helgarinnar var "LYKLAR" ....jebb..byrjaði á að gleyma lyklunum mínum í vinnunnni á föstudaginn, ég að flýta mér í bústaðinn og umferðin að drepa mann og annan úr hægagangi. Sem betur fer var ræstitæknirinn enn við störf svo ég gat sótt lyklana. Lyklar komu svo aðeins við sögu á laugardaginn en ekki þó mikið. Nú og svo kom sunnudagskvöldið með algjöru lyklaklúðri....!!! Hér sit ég svo í vinnunni dauðþreytt, með fjólubláa tá, á bílnum hennar Jönu, minn bíll í Keflavík og með 3 bíllykla í töskunni minni...ja hérna!!

Þetta með fjólubláu tánna er dagsatt. Rak hana svona hressilega í harða fyrirstöðu og nú er hún emjandi og skælandi í skónum mínum, stokkbólgin, blá, fjólublá og rauð....litadýrðin er með ólíkindum :(

Meira um helgina seinna

fimmtudagur, október 09, 2003

Þó maður geri ekki neitt....

.....það er alltaf að skamma mann!!!! Já...maður er bara skammaður og níddur niður (tók langan tíma að ákveða hvort níddur ætti að vera með venjulegu í-i eða ý-i.....þetta voru s.s. heilabrot dagsins:) fyrir að blogga ekki nóg.....ég sem er alltaf að :( ég er bara sár........nei ég er ekkert sár...varð bara að koma þessu að!!

Helginni gerð góð skil á síðunni hennar Jönu hér til hliðar og ég verð bara að bæta við að skórnir mínir smökkuðust mjög vel og þar sem ég át aðeins annan um helgina ætla ég að éta hinn um þessa helgi. Svo mæli ég með því að fólk geri meira af því að éta skóna sína....stundum koma þeir manni á óvart ;)

Næsta helgi alveg að skella á. Sumarbústaðarferð með gellugenginu. Ég byrjuð að pakka niður fyrir ferðina.....svefnpoki, bjór, matur, brennivín, bland, bjór, myndir, vídeóspólan, áfengi, 101 drykkjuleikur, bikiní, tannbursti og BJÓR!!!

Lenti í mjög svo skemmtilegu dæmi í gærkveldi. Síminn hringdi (heimasíminn) og í honum var drengur sem bullaði út í eitt....söng fyrir mig lag og bara voða gaman. Svo heyri ég á bak við hann að annar drengur gargar ,,Ertu í símanum mínum fíflið þitt?!?!". Drengurinn á bak við hrifsar símann og byrjar bara að spjalla við mig. Þetta var s.s. 18 ára drengur að norðan sem er að fara að skrifa undir samning við fótboltafélag hér fyrir sunnan og er farinn að hlakka til. Hann spurði mig hvert ég færi að djamma og talaði svo lengi um einhverja vinkona sína sem hann svaf einu sinni hjá en nú eru þau bara vinir og hún hringir í hann á hverjum degi og hann er farinn að gruna að hún sé bara skotin í honum. Þetta samtal stóð s.s. í 19 mínútur og var bara nokkuð skemmtileg tilbreyting í annars hálf einmannalegu kvöldi.

Sigga er tínd....kisan hennar Jönu stakk af á sunnudagskvöldið og hefur ekki sést síðan....hugsum því vel til Jönu dúllu því hún er soldið lítil núna :(

Guðbjörg skóætuspæta

fimmtudagur, október 02, 2003

Meiriháttar aðgerðir.....

..........í gangi. Búið að breyta öllu útliti síðunnar til hins betra...vonandi líkar ykkur vel við bleika dútlið mitt!!! Andrea bað vinsamlegast um að hennar þætti í þessum breytingum, sem voru all miklar og tímafrekar, yrði minnst með lotningu og aðdáun.....Heil Andrea!! Reyndar smá vandamál með það að sjá póstana......vona samt að það lagist.

En alla veganna......

.....bless í bili!!

Biluð

This page is powered by Blogger. Isn't yours?